पानी ट्याङकीमा डुबेर दैलेखमा दुई जना बालबालिकाको मृत्यु

३ साउन २०७९ सुर्खेत । दैलेखको दुल्लुमा सिंचाइका लागि जम्मा गरिएको पानी ट्याङ्कीमा डुबेर दुई बालबालिकाको मृत्यु भएको छ ।

सोमबार दुल्लु नगरपालिका–८ कर्णाली खोला छेउमा सिंचाइको लागि जम्मा गरिएको ट्याङ्कीमा दुल्लु नगरपालिका–३ सियाला बस्ने बखत महतका १२ वर्षीया छोरा दिनेश महत र ९ वर्षीया छोरी अनिता महतको डुबेर मृत्यु भएको जिल्ला प्रहरी कार्यालय दैलेखका डीएसपी भुवनेश्वर शाहले जानकारी दिनुभयो ।