आर्थिक संकटका बेला करोडौंको हतियार किन्न लागेको भन्दै एमालेको विरोध (भिडियो रिपोर्टसहित)

२७ असार २०७९ काठमाडौं । नेकपा एमालेले नेपाल प्रहरीका लागि करोडौंको हतियार किन्न लागेको भन्दै विरोध गरेको छ ।

प्रतिनिधि सभाको आजको बैठकमा एमालेका सांसद नवराज सिलवालले सरकारले ८४ करोड रुपैयाँ बराबरको हतियार किन्न बजेट रकमान्तर गरेको भन्दै आपत्ति जनाउनु भयो ।

उहाँले देशमा आर्थिक संकट आउन लागेको बेलामा हतियार किन्न खोजेर सरकारले राष्ट्रघात गरेको बताउनुभयो ।

सांसद सिलवालले हाल प्रहरीलाई हतियार नचाहिएको भन्दै विचौलिया र राजनीतिक व्यक्तिलाई पैसा चाहिएकाले योजना अघि बढाइएको दाबी गर्नुभयो ।

सांसद सिलवालले नेपाल प्रहरीलाई हतियार नभई व्यारेक र प्रविधि चाहिएको बताउनुभयो ।