संवैधानिक परिषद्सम्बन्धी विधेयक दर्ता गराएकोमा एमालेको आपत्ति (भिडियो रिपोर्टसहित)

२७ असार २०७९ काठमाडौं । प्रमुख प्रतिपक्षी नेकपा एमालेले सरकारले संवैधानिक परिषद्सम्बन्धी विधेयक राष्ट्रिय सभामा दर्ता गराएकोमा आपत्ति जनाएको छ ।

प्रतिनिधि सभामा एमाले सांसद डा. शिवमाया तुम्बाहाङ्फेले विधेयक सर्वोच्च अदालतमा विचाराधीन अवस्थामा रहे पनि राष्ट्रिय सभामा दर्ता भएकोमा आपत्ति जनाउनुभयो ।

तत्कालिन केपी शर्मा ओली नेतृत्वको सरकारले ल्याएको अध्यादेशको प्रावधान समेटेर सरकारले विधेयक दर्ता गरेको हो । कांग्रेसले त्यत्तिबेला अध्यादेशको विरोध गर्दै फिर्ता लिन माग गरेको थियो ।