Main News

अबको एक हप्ताभित्र मनसुन नेपालमा भित्रन्छ : मौसमविद्

हिमालय टिभी
२०७९ जेठ २२ गते ९:१३
अबको एक हप्ताभित्र मनसुन नेपालमा भित्रन्छ :  मौसमविद्

२२ जेठ २०७९ काठमाडौं । अबको एक हप्ताभित्र मनसुन नेपालमा भित्रने मौसमविद्ले पूर्वानुमान गरेका छन् ।

भारतको केरलामा मनसुन भित्रिसकेकाले नेपालमा पनि अबको केही दिनभित्रै प्रवेश गर्ने अनुमान मौसमविद्ले गरेका हुन् । मौसमविद् हिरा भट्टराईले यस वर्षको मनसुनमा औषतभन्दा धेरै पानी पर्ने भएकाले पूर्वतयारी गर्नुपर्नेमा जोड दिनुभयो ।

सामान्यतया नेपालमा जुन १३ तारिखमा मनसुन भित्रनुपर्ने भएपनि केही वर्षयता ढिलो प्रवेश गरी ढिलै बाहिरिने गरेको थियो । तर, यसपाली भने छिट्टै प्रवेश गर्ने देखिएको हो ।

यसैबीच आज पनि देशका विभिन्न ठाउँमा मेघगर्जन र चट्याङसहित पानी पर्ने भएकाले हिँडडुल गर्दा ख्याल गर्न मौसमविद् भट्टराईले आग्रह गर्नुभएको छ ।

प्रतिक्रिया

Leave a Reply

Your email address will not be published.