एमाले केन्द्रीय कमिटी बैठकमा आज विभिन्न प्रतिवेदनमाथि छलफल हुने

१० चैत २०७८ काठमाडौं । नेकपा एमालेको केन्द्रीय कमिटी बैठकमा आज विभिन्न प्रतिवेदनमाथि छलफल हुने भएको छ ।

स्थानीय तह चुनावका लागि पार्टीको तयारीलगायत विषयमा छलफल गर्न बोलाइएको बैठकमा अध्यक्ष केपी शर्मा ओलीको राजनीतिक प्रतिवेदन, महासचिव शङ्कर पोखरेलको साङ्गठनिक प्रतिवेदन तथा प्रदेशका अध्यक्षहरूको रिपोर्टिङ प्रस्तुत भएका थिए ।

पार्टीका उपमहासचिव एवम् प्रचार विभाग प्रमुख पृथ्वीसुब्बा गुरुङले आज ती प्रतिवेदनमाथि छलफल भइ पारित गरिने जानकारी दिनुभयो ।

बैठकमा चुनावी घोषणापत्र, उम्मेदवार चयनका मापदण्डलगायत ११ कार्यसूचीमा छलफल भइरहेको छ ।