आजका लागि बोलाइएको संसद बैठक १० दिनका लागि स्थगित

१६ माघ २०७८ काठमाडौं । आज दिउँसोका लागि बोलाइएको प्रतिनिधिसभाको बैठक फेरि स्थगित भएको छ ।

कोरोना महामारीको जोखिमका कारण प्रतिनिधिसभाको बैठक यही माघ २६ गते दिउँसो १ बजे बस्ने गरी स्थगित गरिएको सङ्घीय संसद सचिवालयले जनाएको छ ।

सचिवालयका महासचिव डा.भरतराज गौतमले कोरोना महामारीको जोखिम यथावत रहेकाले आजका लागि बोलाइएको बैठक १० दिन पर सारिएको बताउनुभयो ।

आजै बस्ने भनिएको कार्यव्यवस्था परामर्श समितिको बैठक पनि स्थगित भएको छ ।