राष्ट्रिय सभा चुनावका लागि उम्मेद्वारको नामावली आज प्रकाशित हुने

२३ पुस २०७८ काठमाडौं । राष्ट्रिय सभा चुनावका लागि उम्मेद्वारको नामावली आज प्रकाशित हुने भएको छ ।

आउँदो माघ १२ गते हुने राष्ट्रियसभा सदस्य चुनावको लागि निर्वाचन आयोगले आज उम्मेद्वारको नामावली सार्वजनिक गर्ने भएको हो ।

गत मङ्गलबार ४३ जनाले उम्मेद्वारी दर्ता गराएका थिए । त्यसमा अस्ति उम्मेद्वारको विरोधमा उजुरी दिने र हिजो ति उजुरीमा जाँचबुझका लागि समय दिइएको थियो ।

आज अन्तिम नामावली प्रकाशित गर्ने, भोलि उम्मेद्वारलाई नाम फिर्ता लिन समय दिने र पर्सि उम्मेद्वारको अन्तिम नामावली प्रकाशन गर्ने कार्यतालिका छ ।