उच्च पहाडी तथा हिमाली भेगमा हल्का हिमपातको सम्भावना

७ पुस २०७८ काठमाडौं । आज प्रदेश १ को उच्च पहाडी तथा हिमाली भेगको एक दुई ठाउँमा हल्का हिमपातको सम्भावना रहेको मौसमविद्ले बताएका छन् ।

पश्चिमी वायुको प्रभाव रहेकाले आज दिउँसो प्रदेश १ को उच्च पहाडी तथा हिमाली भूभागका एकदुई स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।

महाशाखाका अनुसार अरु ठाउँको मौसम भने सामान्यतया सफा रहने छ ।

यस्तै आज राति देशको पहाडी भूभागमा आंशिक बदली हुने र अरु ठाउँको मौसम सामान्यतया सफा रहने महाशाखाले जनाएको छ ।