बाँदरझुलाका सुकुम्बासीः अन्तिम लडाइँका लागि काठमाडौंको माइतीघरमा (भिडियो रिपोर्टसहित)

४ पुस २०७८ चितवन । चितवनको माडी नगरपालिकास्थित बाँदरझुलाका सुकुम्बासी समुदायले काठमाडौंमा संघर्ष शुरु गरेको छ ।

बाँदरझुला संघर्ष समितिले आज काठमाडौंको माइतीघरमा लालपुर्जा प्राप्तिको माग गर्दै संघर्ष सुरु गरेको हो । बाँदर झुला संघर्ष समितिकी संयोजक शारदा आचार्यले चितवन राष्ट्रिय निकुञ्ज र नगरपालिकाले ज्यादती गरेको र न्यायका लागि काठमाडौं केन्द्रित आन्दोलन गर्नु परेको बताउनुभयो ।

संयोजक आचार्यले नगरपालिका तथा निकुञ्जमा लालपुर्जाको माग गर्दै पटक–पटक आन्दोलन गरे पनि माग पूरा नभएको बताउनुभयो । अब अन्तिम लडाइँ लड्नकै लागि काठमाडौं आएको उहाँले बताउनुभयो ।

८ वर्षदेखि कर बुझाएको प्रमाण आफूहरुसँग भएपनि लालपूर्जा नपाएको उनीहरुको गुनासो छ ।