कोरोनाविरुद्धको पूर्ण मात्रा खोप लगाएकालाई बुष्टर डोज लगाउने तयारीमा सरकार (भिडियो रिपोर्टसहित)
१९ मंसिर २०७८ काठमाडौं । सरकारले कोरोनाविरुद्धको खोपको पूर्ण मात्रा लगाइसकेका नागरिकलाई बुष्टर डोज लगाउने तयारी थालेको छ ।
संसदको शिक्षा तथा स्वास्थ्य समितिको आजको बैठकमा स्वास्थ्यमन्त्री विरोध खतिवडाले पूर्ण मात्रा खोप लगाएको तीन महिना पूरा भइसकेका नागरिकलाई बुष्टर डोज लगाउने तयारी भइरहेको जानकारी दिनुभयो ।
गाउँगाउँमा पुगेर सबै नागरिकलाई खोप लगाउने तयारी भइरहेको मन्त्री खतिवडाले बताउनुभयो ।
समितिको आजको बैठकले जेष्ठ नागरिक तथा अपाङ्गता भएका व्यक्तिलाई घरमै पुगेर खोप लगाउने व्यवस्था गर्न सरकारलाई निर्देशन दिएको छ ।
समितिले कोरोनाको नयाँ भेरियन्ट ओमिक्रोनबाट बच्न पूर्वतयारीका लागि समेत तयार रहन सरकारलाई आग्रह गरेको छ ।
समितिका सदस्यहरुले पनि कोरोनाको नयाँ भेरियन्ट, खोप, बुस्टर डोज लगाउने व्यवस्था गर्न सरकारको ध्यानाकर्षण गराएका छन्।
प्रतिक्रिया