एमाले ‘राजनीतिक दल’ भन्दा ओलीको ‘कम्पनी’ भन्ने आरोप यसरी भयो पुष्टि (भिडियो रिपोर्टसहित)
१४ मंसिर २०७८ चितवनं । नेकपा एमालेका अध्यक्ष केपी शर्मा ओलीले एमालेलाई कसरी चलाउँदै आउनुभएको छ भन्ने चितवनमा छर्लङ्ग भएको छ । पूर्व प्रधानमन्त्री समेत रहनुभएका ओलीले नेकपा एमालेलाई दलका रुपमा भन्दा कम्पनीकारुपमा चलाएको आरोपलाई १० औं महाधिवेशनले थप पुष्टि गरेको विश्लेषकहरुको भनाइ छ ।
पाँच लाख मानिस उतारेर उद्घाटन गर्ने उद्घोषका साथ महाधिवेशन कस्तो हुन्छ हेर्न आउन अन्य दलका नेतालाई मन्त्रणा गर्नुभएका ओलीले यस्तो पनि महाधिवेशन हुँदोरहेछ भन्ने उदाहरण पेश गर्नुभएको छ ।
अन्य दलमा टिके पद्धति अपनाइएको आरोप लगाउँदै एमालेलाई चरम लोकतान्त्रिक दाबी गर्ने ओलीको अभ्यासबाट कार्यकर्ता र ओलीभक्त समेत लज्जित भएको आलोचकहरुको टिप्पणी छ । ओलीले उद्घाटन सत्रदेखि बन्दसत्रसम्मलाई बन्दक बनाएर महाधिवेशनको मन्चन गरेको नाटकले ओलीका भक्तहरु पनि जवाफविहीन बनेका छन् ।
महाधिवेशनभन्दा एक दिन अगावै चितवन झर्नुभएका ओलीले चार तारे होटलको सयन कक्षबाटै पार्टी महाधिवशेन चलाउनु भयो । बन्दसत्र, महाधिवेशन प्रतिनिधी, चुन्ने र चुनिने अधिकार भनेको पनि आफँै भनेर ओलीले महाधिवशेन प्रतिनिधीको सार्वभौम अधिकारको पनि खिल्ली उडाउनु भयो ।
आफैले आयोजना गरेको उद्घाटन सत्रमा पाहुनभन्दा ढिलो पुग्नुभएका ओलीले कम्तिमा आफ्ना नाममा कागजी मुर्कट्टा भने नारायणी किनारमा प्रदर्शन गर्न लगाउनु भएन । उद्घाटन सत्रमा वृत्तचित्र भनेर प्रस्तुत गरिएको १० मिनेटको श्रव्यदृष्य सामाग्री ओली भक्तीको गायत्री मन्त्र थियो । एउटा लोकतन्त्र र दलीय व्यबस्थामा विश्वास गर्नेले समेत लजाउनुपर्ने भक्तीगानमा समेत ओली मुस्काइरहनुभएको थियो ।
बन्द सत्रका नाममा महाधिवेशन प्रतिनिधीलाई दिनभर घाममा विस्कुन सुकाउने र आफूपक्षीय नेतासहित होटलको वातानुकुलित सयन कक्षमा आराम गर्ने ओलीले मध्यरातमा साँस्कृतिक कार्यक्रमको नाममा पनि उहाँकै महिमा गान सुनेर निद्रा बिर्साउनुभयो ।
समय तालिकाको पटक्कै हेक्का नगर्ने शैलिले बसिभुत ओलीले मुस्किलले केही घण्टामात्र महाधिवेशनस्थलमा बिताउनुभयो । पार्टीका आफ्ना आलोचकको छानीछानी तेजोबध गर्न लगाउनुभएको आरोप लागेका ओलीले असहमत नेतासँग सामान्य कुराकानी समेत गर्नुभएन । ओलीले पार्टीको निर्वाचन आयोग र निर्वाचन नियमावलीलाई पनि खल्तीको रुमाल बनाउनुभयो ।
बन्दसत्रमा हुने छलफल बन्द कोठामा गर्ने अध्यक्ष ओलीले कहिँ नभएको जात्रा आफैं अध्यक्षको उम्मेदवार भएर आफ्नै नाम सहित ३०१ सदस्यीय केन्द्रीय समिति घोषणा गर्ने प्राधिकार समेत लिनुभयो ।
हजार प्रयास गर्दा पनि सर्वसम्मत हुने सम्भावना नदेखेपछि ओलीले प्रतिष्पर्धी भिम रावलसहितका नेतालाई भोट नहाल्न चिट बाँड्न लगाउनु भयो ।
अध्यक्षका प्रत्यासी भीम रावलविरुद्ध चितवन झरेकै दिन नारावाजी गर्न लगाएका ओलीले उहाँका निर्वाचन सामाग्री खोस्न लगाउने र शरीर खानतलासी गर्न लगाएर पार्टीभित्र असहमत हुनेमाथि के सम्म गर्न सक्नुहुन्छ भन्ने दृष्टान्त समेत दिन भ्याउनुभयो । उद्घाटन सत्रमा आफ्नै महिमा गान गर्नभएका उहाँले बन्दसत्रमा दुईघण्टा एक्लै बोल्नुभयो, आफ्ना प्रतिष्पर्र्धालाई माइक समेत दिनुभएन, उहाँको फरकमतलाई रद्धीको टोकरीमा मिल्काउनुभयो ।
खल्तीबाट चिर्कटो वाचन गरेर ल्याएका महाधिवेशन प्रतिनिधीको समेत विश्वास नलागेर निर्वाचन संहिता विपरित लिस्ट बाँड्नुले ओलीले खुल्ला छाडेका भए उहाँका अधिकाँश उम्मेदवार पराजित हुने सहजै आँकलन गर्न सकिन्छ । आफू निकटका लागि बम्पर दिने र पार्टीमा बर्षौ खटेकलाई उल्टो खुट्टा फर्काउने ओली शैलिले एकीकृत समाजवादीका अध्यक्ष माधव नेपालको दाबीलाई पुष्टि गरेको छ ।
सचिवमा ओलीकै कृपाले सूचिमा समेटिएका १० भाइमध्येका एक नेताले नै ओलीकृत्यका कारण एमाले पार्टीभन्दा ओली मालिक रहेको प्राइभेट कम्पनी भनेका छन् । पक्कै पनि लोकतन्त्रका लागि १५ बर्ष जेल बसेका र ५० बर्ष संघर्ष गरेका भनिएका ओलीले कम्तिमा पनि सौराहा यात्रालाई समिक्षा गर्न जरुरी छ। शक्तिमा हुँदा त सबैको भक्तिगान हुन्छ नै, इतिहास कसरी लेखिन्छ आँकलन गर्ने कि ?
हिमालय टेलिभिजनका पत्रकार महाशय,
नेपाल कम्युनिष्ट पार्टी (एमाले) भन्ने राजनीतिक दल निर्वाचन आयोयमा दर्ता भएको छ कि कम्पनी रजिस्ट्रारको कार्यालय त्रिपुरेश्वरमा दर्ता भएको छ????????????? हेरर, बुझेर, सोचेर, मनन गरेर पो लेख्ने हो कि???? कम्पनी र दल बिचको फरक थाहा छ कि छैन महासय???? तपाईँलाई मन परेन भन्दैमा रत्यौली शैलिमा लेख्न पाइन्छ त ??? लगभग आठ लाख सदश्यहरुले लगभग बाईस सय महाधिवेशन प्रतिनिधि छाने र ती मध्ये अठार सय (लगभग ९०%) ले के पि शर्मा ओलीलाई भोट दिएर जिताए पछि कसरी कम्पनी भयो??? लाज सरम, घिन, डर लाग्दैन पत्रकार महाशय????? कि दस % मत ल्याउने भिमबहादुर रावललाई जिताउनु पर्थ्यो कि के भन्न खोज्नु भएको हो???? के पि शर्मा ओलीले तपाईंको पिँडालुबारी फाँडेको त छैन होला । विधानअनुसार महाधिवेशनले निर्णय गरेपछि तपाईँलाई कटक्क टाउको दुख्नु पर्ने कारण के हो??? तपाईं महाधिवेशन भन्दा ठूलो हो??? हैन भने कम्पनी हो वा दल हो भन्ने कुरा छुट्याउन निर्वाचन आयोगमा जानुहोस् । हैन चित्त बुझ्दैबुझेन भने ओलीको दल कम्पनी भएको चित्त बुझेन भने “अदालत” गए हुन्छ ।