प्रतिगमनकारी सल्बलाइरहेको अर्थमन्त्री शर्मा दाबी (भिडियो रिपोर्टसहित)

२७ कात्तिक २०७८ काठमाडौं । अर्थमन्त्री जनार्दन शर्माले प्रतिगमनकारी केही हदसम्म परास्त भए पनि अहिले फेरि सल्बलाइरहेको बताउनुभएको छ ।

प्रेस सेन्टर गण्डकी प्रदेशको दोश्रो अधिवेशनको आज पोखरामा उद्घाटन सत्रलाई सम्बोधन गर्दै मन्त्री शर्माले जनताको उपलब्धी उल्टाउन खोज्नेहरु पाँच दलीय गठबन्धनको आन्दोलनका कारण केही हदसम्म परास्त भएको बताउनुभयो । उहाँले सरकारमा जानका लागि मात्र पाँच दलीय गठबन्धन नबनेको दाबीसमेत गर्नुभयो ।

अर्थमन्त्री शर्माले समाजवादको आधार तयार गर्दै त्यहाँसम्मको यात्रा तय गर्ने काममा प्रेस जगतले भूमिका खेल्नुपर्नेमा जोड दिनुभयो ।