सभामुखले सम्वाद नै नचाहेको एमाले नेता भट्टराईको आरोप (भिडियो रिपोर्टसहित)

२६ भदौ २०७८ काठमाडौं । नेकपा एमालेका प्रचार विभाग प्रमुख योगेश भट्टराईले सभामुख अग्निप्रसाद सापकोटाले संवाद नै गर्न नचाहेको आरोप लगाउनुभएको छ ।

एमाले स्थायी कमिटी बैठकबारे जानकारी दिन भएको पत्रकार सम्मेलनमा उहाँले सभामुखले एमालेले उठाएको विषयमा छलफल गरेर निकास दिनुपर्ने बताउनुभयो ।

पार्टी विभाजनअघि नै एमालेले आफ्ना १४ जना सांसदलाई निष्कासनको कारबाही गरेको थियो ।

तर सभामुख सापकोटाले त्यो कारबाहीलाई मान्यता नदिएपछि नेकपा एमालेले लगातार संसद अवरुद्ध गर्दै आएको छ । सभामुखले एमालेसँग संवाद गरेर अघि बढ्नुपर्ने नेता भट्टराईको भनाइ छ ।