नेपाललाई कोरोनाविरुद्धको खोप दिने भारतीय प्रधानमन्त्रीको आश्वासन

४ साउन २०७८ काठमाडौं । भारतीय प्रधानमन्त्री नरेन्द्र मोदीले नेपाललाई तत्कालै कोरोनाविरुद्धको खोप उपलव्ध गराउने आश्वासन दिनुभएको छ ।

प्रधानमन्त्री शेरबहादुर देउवालाई बधाइ दिन टेलिफोन गरेका भारतीय समकक्षी मोदीले सोहीक्रममा खोपको आश्वासन दिनुभएको हो ।

मोदीले देउवालाई बधाइ दिँदै तत्कालै कोरोना खोप उपलब्ध गराउने विश्वास दिलाएको परराष्ट्र मन्त्रालयले जनाएको छ ।

सो अवसरमा प्रधानमन्त्री मोदीले आफ्ना नवनियुक्त समकक्षी प्रधानमन्त्री देउवालाई बधाई दिनुभएको थियो ।

साथै प्रधानमन्त्री देउवाले बधाईका लागि उहाँलाई धन्यवाद दिनुभएको थियो । दुवै प्रधानमन्त्रीले द्विपक्षीय सम्बन्धलाई थप सुदृढ बनाउने विषयमा छलफल गर्नुभएको मन्त्रालयले जनाएको छ ।