दलहरुबीच बृहत्तर राष्ट्रिय एकता आवस्यकः सभामुख सापकोटा (भिडियो रिपोर्टसहित)

१ साउन २०७८ काठमाडौं । सभामुख अग्नि प्रसाद सापकोटाले दलहरुबीच बृहत्तर राष्ट्रिय एकता आवस्यक रहेको बताउनुभएको छ ।

नयाँ बानेश्वरस्थित संसद भवनमा आज पत्रकारसँग कुरा गर्दै सभामुख सापकोटाले समग्र राष्ट्रिय परिस्थिति विचार गर्दा फेरि पनि राष्ट्रिय एकताको खाँचो देखिएको बताउनुभयो ।

सभामुख सापकोटाले संविधान जारी भएपछि जनताको आशालाई विश्वासमा परिणत गर्न पनि दलहरुबीच समझदारी जरुरी रहेको बताउनुभयो ।

पर्सि सोमबारका लागि बोलाइएको संसद अधिवेशनको तयारीबारे सभामुख सापकोटाले आज संसद भवन पुगेर जानकारी लिनुभएको छ । आजै सभामुख, सांसद लगायतको कोरोना परीक्षण पनि गरिएको छ ।