कोरोना संक्रमणबाट थप २० जनाको मृत्यु, १८३१ संक्रमित थपिए

२७ असार २०७८ काठमाडौं । कोरोना संक्रमणबाट थप २० जनाको मृत्यु भएको छ । यो सँगै संक्रमणबाट मृत्यु हुनेको संख्या ९ हजार ३ सय ८२ पुगेको छ ।

पछिल्लो पटक थप १८ सय ३१ जना संक्रमित थपिएका छन् । ५ हजार ५ सय ३५ जनाको पीसीआर परीक्षणमा १२ सय ३५ र ३ हजार ६ सय ८३ एन्टिजेन परीक्षण गर्दा ५ सय ९४ जनामा संक्रमण देखिएको स्वास्थ्य मन्त्रालयले जनाएको छ ।

काठमाडौं उपत्यकामा ३ सय ९१ जना संक्रमित थपिएका छन् । ति मध्ये काठमाडौंमा २ सय ६१ ललितपुरमा ९७ र भक्तपुरमा ३१ जना छन् । पछिल्लो पटक १५ सय ३३ जना संक्रमणमुक्त भएका छन् ।

सक्रिय संक्रमितको संख्या २६ हजार १ सय ७३ मा झरेको छ । ति मध्ये ५ सय ५५ जनाको आइसीयू र १ सय १७ जनाको भेन्टिलेटरमा राखेर उपचार भइरहेको मन्त्रालयले जनाएको छ ।