संसद विघटनविरुद्धको मुद्दा फैसलापछि मात्र पार्टी एक हुने उपाध्यक्ष गौतमको दाबी (भिडियो रिपोर्टसहित)
२७ असार २०७८ काठमाडौं । नेकपा एमालेका उपाध्यक्ष बामदेव गौतमले संसद विघटनको मुद्दामा सर्वोच्चको फैसला आएपछि मात्र पार्टी एक हुने बताउनुभएको छ ।
पार्टीको विवाद समाधानका लागि कार्यदलले काम गरिरहेका बेला राष्ट्रियसभा बैठकमा सम्बोधन गर्दै उपाध्यक्ष गौतमले तत्काल एकता नहुने संकेत गर्नुभएको हो ।
आज बिहान ८ बजे नै सहमति हुने भनिए पनि अहिलेसम्म टुङ्गो लाग्न नसकेको तर्फ इङ्गित गर्दै उहाँले सर्वोच्चको फैसलापछि मात्र पार्टी एक हुने बताउनुभयो ।
आफूले अध्यक्ष केपी शर्मा ओलीसँग पार्टी एकताका लागि जिम्मेवारी मागेको भए पनि त्यो भूमिका नपाएको उपाध्यक्ष गौतमले गुनासो गर्नुभयो । उहाँले सरकारले अध्यादेशबाट ल्याएको बजेट राष्ट्रिय सभामा पेश गर्न र पारित गर्न पनि माग गर्नुभयो ।
राष्ट्रिय सभा र प्रतिनिधि सभाबीच विभेद गर्न नहुने भन्दै उपाध्यक्ष गौतमले प्रतिनिधि सभाका अधिकार राष्ट्रिय सभाले पनि प्रयोग गर्न पाउनु पर्ने माग गर्नुभयो ।
प्रतिक्रिया