कोरोना संक्रमणबाट थप २० जनाको मृत्यु, २२३९ संक्रमित थपिए
२५ असार २०७८ काठमाडौं । कोरोना संक्रमणबाट थप २० जनाको मृत्यु भएको छ । २२ सय ३९ संक्रमित थपिएका छन् ।
स्वास्थ्य मन्त्रालयका अनुसार ६ हजार ६ सय ५७ पिसीआर परीक्षण गर्दा १४ सय ७९ र ४ हजार ६ सय ५६ एन्टीजेन परीक्षण गर्दा ७ सय ६० जनामा संक्रमण पुष्टि भएको छ । काठमाडौं उपत्यकामा ३ सय ८० संक्रमित थपिएका छन् ।
ति मध्ये काठमाडौंमा २ सय ६१, ललितपुरमा ७४ र भक्तपुरमा ४५ जना छन् । अन्यत्र संक्रमण कम हुँदै गए पनि प्रदेश एकका तराइका जिल्ला र कास्कीमा अवस्था उस्तै छ ।
पछिल्लो पटक झापामा १ सय ६१, मोरङमा १ सय २९, कास्कीमा १ सय ८ र सुनसरीमा ८९ संक्रमित थपिएका छन् ।
पछिल्लो पटक १३ सय १६ जना संक्रमणमुक्त भएका छन् । केहिदिनयता नयाँ संक्रमित भन्दा संक्रमणमुक्त हुनेको संख्या कम छ । सक्रिय संक्रमितको संख्या २६ हजार ५ सय ९० पुगेको छ ।
५ सय ३९ जनाको आइसीयू र १ सय ६६ जनाको भेन्टिलेटरमा राखेर उपचार भइरहेको छ । कोरोना संक्रमणबाट अहिलेसम्म ९ हजार ३ सय ४० जनाको मृत्यु भएको छ ।
प्रतिक्रिया