Main News

देशभर मनसुनी वायुको प्रभाव, विभिन्न स्थानमा मध्यमदेखि भारी वर्षा

हिमालय टिभी
२०७८ असार १८ गते ९:१४
देशभर मनसुनी वायुको प्रभाव, विभिन्न स्थानमा मध्यमदेखि भारी वर्षा

१८ असार २०७८ काठमाडौं । हाल देशभर मनसुनी वायुको प्रभाव परेको छ । जसका कारण देशभरको मौसम सामान्यदेखि पूर्ण बदली रहेको छ ।

अहिले प्रदेश १, प्रदेश २ ,बाग्मती र गण्डकी प्रदेशका धेरै स्थानहरुमा मध्यमदेखि भारी वर्षा भई बाँकी प्रदेशका एक/दुई स्थानमा हल्कादेखि मध्यम वर्षा भइरहेको जल तथा मौसम पूर्वानुमान महाशाखाले जनाएको छ ।

आज दिनभर नै मौसम सामान्यदेखि पूर्ण बदली रहनेछ ।दिउँसो पनि प्रदेश १, प्रदेश २, बागमती प्रदेश, लुम्बिनी प्रदेश र गण्डकी प्रदेशका धेरै स्थानहरुमा साथै कर्णाली र सुदूरपश्चिम प्रदेशका थोरै स्थानहरुमा हल्कादेखि मध्यम वर्षाको सम्भावना रहेको महाशाखाले जानकारी दिएको छ ।

प्रदेश १, प्रदेश २, बागमती र गण्डकी प्रदेशका केही स्थानहरुमा मेघ गर्जन र चट्याङ्गसहित भारी वर्षा तथा एक दुई स्थानमा धेरै भारी वर्षाको सम्भावना रहेको छ ।राति पनि देशभर सामान्यदेखि पूर्ण बदली रहनेछ ।

प्रतिक्रिया

Leave a Reply

Your email address will not be published.