कोरोना संक्रमणबाट थप ४६ जनाको मृत्यु, २२९७ जना संक्रमित थपिए

७ असार २०७८ काठमाडौं । नेपालमा थप २ हजार २ सय ९७ जनामा कोरोना संक्रमण पुष्टि भएको छ। ४६ जनाको कोरोना संक्रमणबाट मृत्यु भएको छ ।

६ हजार ५ सय ८३ पीसीआर परीक्षणबाट १ हजार ५ सय ८४ र ४ हजार ३ सय २१ एन्टीजेन परीक्षण गर्दा ७१३ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयले पछिल्लो पटक काठमाडौं उपत्यकामा तीन सय ७७ जनामा संक्रमण पुष्टि भएको छ । काठमाडौंमा दुई सय ८५ ललितपुरमा ६१ र भक्तपुरमा ३१ जनामा संक्रमणित थपिएका छन ।

बागलुङमा सबैभन्दा धेरै ३ सय पाँच जनामा संक्रमण पुष्टि भएको छ । यसैगरी झापामा १ सय ३०, मोरङमा १ सय २४ र सुनसरीमा १ सय १४ जनामा संक्रमण पुष्टि भएको मन्त्रालयले जनाएको छ ।

पछिल्लो पटक ४६ जनाको मृत्यु भएसँगै मृतकको संख्या ८ हजार ७ सय ७२ पुगेको छ। पछिल्लो पटक तीन हजार एक सय ३० जना संक्रमण मुक्त भएका छन । यो सँगै संक्रमण मुक्त हुनेको संख्या ५ लाख ५९ हजार ९ सय २८ पुगेको छ । देशभर ५३ हजार ९ सय ४० सक्रिय संक्रमित छन ।

५० हजार तीन सय ४ जना होम आइसोलेसनमा, तीन हजार ६ सय ३६ जना संस्थागत आइसोलेशनमा छन । ८ सय ११ जनाको आइसीयू र दुई सय ३७ जनाको भेन्टिलेटरमा उपचार भइरहेको छ ।