कांग्रेस नेतृत्वमा बनेको गठबन्धन सरकार धेरै टिक्दैन : निवर्तमान मुख्यमन्त्री गुरुङ (भिडियो रिपोर्टसहित)
३० जेठ २०७८ पोखरा । गण्डकी प्रदेशका निवर्तमान मुख्यमन्त्री पृथ्वी सुब्बा गुरुङले प्रदेशमा नेपाली कांग्रेस नेतृत्वमा बनेको गठबन्धन सरकार धेरै नटिक्ने दावी गर्नुभएको छ ।
पोखरामा आज पत्रकार सम्मेलन गरी गुरुङले गठबन्धनलाई अप्राकृतिक भन्दै कुर्सी प्राप्तिका लागि गरिने गठबन्धन आयु लामो नहुने टिप्पणी गर्नुभयो ।
गण्डकी प्रदेशका एमाले संसदीय दलका नेतासमेत रहेका गुरुङले दीपक मनाङेले आफूलाई ठूलो धोका दिएको गुनासो गर्नुभयो । एउटा दलमा बसिसकेको मान्छे फेरि स्वतन्त्र हुन नसक्ने उहाँले बताउनुभयो ।
नेता गुरुङले प्रदेशमा अब एमालेले रचनात्मक प्रतिपक्षको भूमिका खेल्ने बताउनुभयो । उहाँले आफ्नो भूमिका फरक भए पनि संघीयताप्रतिको निष्ठामा कुनै परिवर्तन नहुने बताउनुभयो ।
नवनियुक्त मुख्यमन्त्री कृष्णचन्द्र पोखरेललाई संघीयताको मर्मअनुसार काम गर्न नेता गुरुङको सुझाव छ ।
प्रतिक्रिया