काठमाडौंको नयाँ बानेश्वरमा आकाशे पुल

२६ जेठ २०७८ काठमाडौं । काठमाडौंको अत्यन्तै व्यस्त मानिने नयाँ बानेश्वर चोकमा आकाशे पुल हालिएको छ ।

पैदलयात्रीलाई बाटो काट्न सहज होस् भनेर यो आकाशेपुल बनाइएको हो । भुईँमा तयार पारिएको पुललाई क्रेनको सहायताले आज जडान गरिएको छ ।

निषेधाज्ञाको समयमा काम गाडी चलेको र मान्छेको ओहोर दोहोर पातलो भएको मौकामा पुल जडान गरिएको हो ।

सडक विभाग अन्तर्गतको काठमाडौं सडक डिभिजन कार्यालयले करिब ३ करोड रुपैयाँको लागतमा यो पुल निर्माण गरेको हो ।

यहाँ आकाशेपुल नहुँदा बाटो काट्नकै लागि पैदलयात्रुले लामो समय प्रतिक्षा गर्नुपर्ने बाध्यता थियो ।