ओली सरकार देशलाई यसरी ऋणमा चुर्लुम्म डुबाउँदै

Himalaya Television
२०७८ जेठ १६ गते ७:४९

ओली सरकार देशलाई यसरी ऋणमा चुर्लुम्म डुबाउँदै

१६ जेठ २०७८ काठमाडौं । प्रधानमन्त्री केपी शर्मा ओलीको सरकार बनेपछि सरकारले पौने आठ खर्ब रुपैयाँ ऋण लिएको छ ।

ओली प्रधानमन्त्री नियुक्त हुँदा फागुन २०७४ मा नेपालको सार्वजनिक ऋण आठ खर्ब ४३ अर्ब रहेकोमा त्यसको तीन वर्षपछि २०७७ फागुनमा बढेर १५ खर्ब ८९ अर्ब ४६ करोड रुपैयाँ पुगेको छ ।

ऋण बढाएको तर उल्लेख्य विकास निर्माण नभएको भनेर आलोचना भइरहेका बेला सरकारले आउँदो आर्थिक वर्षका लागि पनि साढे पाँच खर्ब रुपैयाँ ऋण लिने गरी बजेट सार्वजनिक गरेको छ ।

आउँदो वर्षका लागि विनियोजन भएको १६ खर्ब ४७ अर्ब रुपैयाँको बजेटको स्रोत जुटाउन सरकारले साढे पाँच खर्ब रुपैयाँ ऋण लिने भएको छ ।

राजस्व र वैदेशिक अनुदानबाट अपुग पाँच खर्ब ५९ अर्ब रुपैयाँ ऋण लिने भएको छ । यसमध्ये वैदेशिक ऋण तीन खर्ब नौ अर्ब २९ करोड रुपैयाँ र आन्तरिकतर्फ दुई खर्ब ५० अर्ब रुपैयाँ बेहोरिने बजेटमा उल्लेख छ ।


प्रतिक्रिया

One thought on “ओली सरकार देशलाई यसरी ऋणमा चुर्लुम्म डुबाउँदै

  1. देश संघिय गणतन्त्र व्यवस्थामा गएपछि देशको राजस्व ले चालु खर्च धान्न छोडेको छ। देशको चालु खर्च प्रदेश ले आफ्नो पुलिस र कर्मचारी राखेपछि अझ बढ्ने छ। यो अवस्था जुनसुकै पार्टी को सरकार बनेपनि घट्ने वाला छैन। देश को ऋण बढ्नु मा सम्पूर्ण गणतन्त्र प्रेमी नेता हरु दोषी छन्।

Leave a Reply

Your email address will not be published. Required fields are marked *

Latest Programs