पर्साको वीरगञ्जमा गरिएको परीक्षणमा थप १ सय ७५ जनामा कोरोना संक्रमण पुष्टि

Himalaya Television
२०७८ वैशाख १७ गते १२:५०

पर्साको वीरगञ्जमा गरिएको परीक्षणमा थप १ सय ७५ जनामा कोरोना संक्रमण पुष्टि

१७ वैशाख २०७८ पर्सा । पर्साको वीरगञ्जमा गरिएको परीक्षणका क्रममा थप १ सय ७५ जनामा कोरोना संक्रमण पुष्टि भएको छ ।

नारायणी अस्पतालको पीसीआर प्रयोगशालामा गरिएको परीक्षणमा १ सय ७५ जनामा कोरोना संक्रमण पुष्टी भएको हो । संक्रमितमध्ये ४४ जना महिला छन् ।

हिजो पीसीआर प्रयोगशालामा २ सय ८८ जनाको स्वाब नमुना संकलन गरिएको थियो । पर्साका १ सय ३१ जना, बाराका ३४ जना, रौतहटका ३ जना, सर्लाहीका ५ जना, महोत्तरी र दाङका १र१ जनामा संक्रमण देखिएको नारायणी अस्पतालले जनाएको छ ।

१० वर्षदेखि ७२ वर्षका संक्रमितको सीटी भ्यालु १४दशमलव २ देखि ३५ दशमलव २ रहेको अस्पतालका कोभिड संयोजक डाक्टर सरोज रोशन दासले जानकारी दिनुभयो ।

यस्तै वीरगञ्जमा थप ३ जना कोरोना संक्रमितको मृत्यु भएको छ । नारायणी अस्पतालमा उपचाररत तीन जना कोरोना संक्रमितको मृत्यु भएको हो ।

वीरगञ्जको दुई जना महिला र बाराको जीतपुर सिमरा उपमहानगरपालिकाका एक जना पुरुषको मृत्यु भएको नारायणी अस्पतालले जनाएको छ ।


प्रतिक्रिया

Leave a Reply

Your email address will not be published. Required fields are marked *

Latest Programs