काठमाडौं उपत्यकाको निषेधाज्ञा थप कडा गरिने, हिँडडुल गर्न पनि रोक

रासस
२०७८ वैशाख १७ गते ७:४३

काठमाडौं उपत्यकाको निषेधाज्ञा थप कडा गरिने, हिँडडुल गर्न पनि रोक

१७ वैशाख २०७८ काठमाडौं । निषेधाज्ञा जारी भएका मुलुकका विभिन्न जिल्लामा आजदेखि थप कडाइका साथ आदेशको कार्यान्वयन गरिने भएको छ ।

अन्य जिल्लाबाट आदेश जारी भएका जिल्लामा यातायातका साधन तथा अन्य मानवीय आवागमन रोक्न भनिएको गृह मन्त्रालयले जनाएको छ ।

बिहीबार पहिलो दिन भएकाले यातायातका साधनहरू बाटोमै अड्किएका, यात्रु अलमल भएकाले केही सहजीकरण गरिएको भए पनि आजदेखि भने कडाइका साथ आदेशको पालना गरिने गृह प्रवक्ता जनकराज दाहालले जानकारी दिनुभयो । केही जिल्लामा यसअघि नै निशेषको आदेश जारी भएपछि अधिकांश जिल्लामा बिहीबारदेखि आदेश कार्यान्वयनमा आएको छ ।

प्राप्त विवरणअनुसार मुलुकका १५ जिल्लामा पूर्ण र तीन जिल्लामा आंशिक निषेधाज्ञा छ । यसरी आदेश जारी गर्ने जिल्लामा बाँके, काठमाडौँ, ललितपुर, भक्तपुर, कास्की, कैलाली, पर्सा, कञ्चनपुर, दाङ, पाल्पा, चितवन, रुपन्देही, सल्यान , सुर्खेत र सुनसरी छन् । यस्तै कालिकोट, बाग्लुङ र बर्दियामा आंशिक निषेधाज्ञा छ । यसरी आदेश भएको जिल्लाहरूमा अत्यावश्यक बाहेक अन्य गतिविधि गर्न पाइने छैन ।

महानगरीय ट्राफिक प्रहरी महाशाखाले उपत्यकामा बिहीबारको आदेश उल्लङ्घन गर्ने दुई हजारी बढीलाई होल्ड गरेर चेतावनीका साथ अब ननिस्कने शर्तमा छाडिएको जानकारी दिएको छ । जिल्लाजिल्लामा यो क्रम जारी रहेको थियो । नेपाल प्रहरीले अन्य जघन्य आपराधिक गतिविधि बाहेकका गतिविधि नियन्त्रण कार्यक्रमलाई थाती राखेर सबै कोभिड–१९ सङ्क्रमण नियन्त्रण अभियानमा परिचालन गरेको जनाएको छ ।

ठाउँठाउँमा टोली परिचालन गरी सवारी साधान जाँच थर्न थालिएको र यो क्रम आज थप कडाइका साथ हुने नेपाल प्रहरीका प्रवक्ता बसन्तबहादुर कुँवरले जानकारी दिनुभयो । गृह मन्त्रालयले आदेशको पूर्ण पालना गरी कोभिड नियन्त्रण अभियानमा सहयोग गर्न आम नागरिकमा अनुरोध गरेको छ ।


प्रतिक्रिया

One thought on “काठमाडौं उपत्यकाको निषेधाज्ञा थप कडा गरिने, हिँडडुल गर्न पनि रोक

  1. मैले चै नबुझेको.. थप कडाइ का साथ हिड डुल गर्न नदिने भन्छ, बैंक लगाएत डिपार्ट्मेन्ट स्टोर बिहान १० ६ बजे सम्म खुल्ला रहने छ पनि भनेको छ, अब मलाइ बैंक या स्टोर जानू परेको खन्डमा जानू पाउछु कि पाउदिन त? के तेसको लागि cdo office बाट इजाजत पत्र लिनु पर्ने हो? हो भने फेरि cdo office सम्म जाने कसरी? online form भरेर लिने सुबिधा छ? छ भने पनि फेरि त्यो पत्र प्रीन्ट गर्नु पर्यो घरमा प्रीन्टर नहुनेले के गर्ने? कता जाने? त्यो पत्र फोनमा डाउनलोड गरेर देखाउन मिल्छ कि मिल्दैन? के सारो अलमल मा पारेको, कोभिड को सुरक्षा नीति कडाइ का साथ पालन गर्नु लाएर सहजिकरण गरे सबैको भलो हुन्थ्यो नि बरु।

Leave a Reply

Your email address will not be published. Required fields are marked *

Latest Programs