एमाले महाधिवेशन आयोजक कमिटीको बैठक बस्दै

Himalaya Television
२०७८ वैशाख १२ गते ९:०६

एमाले महाधिवेशन आयोजक कमिटीको बैठक बस्दै

१२ वैशाख २०७८ काठमाडौं । नेकपा एमालेको दशौं महाधिवेशन आयोजक कमिटीको आकस्मिक बैठक आज बस्दैछ ।

प्रधानमन्त्री एवं अध्यक्ष केपी शर्मा ओलीले एमाले महाधिवेशन आयोजक कमिटीको आकस्कीक बैठक बोलाउनुभएको हो । बैठक अहिले ११ बजे प्रधानमन्त्री निवास बालुवाटारमा बस्दै छ ।

वरिष्ठ नेता माधवकुमार नेपाल समूहका केन्द्र तथा प्रदेशका ३२ सांसदलाई मागिएको स्पष्टीकरण सम्बन्धमा छलफल गर्न अध्यक्ष ओलीले आकस्मिक बैठक बोलाउनुभएको हो ।

बैठकमा ती सांसदले बुझाएका स्पष्टीकरणको विश्लेषण गरी कारबाहीबारे निर्णय हुने बताइएको छ । यसअघि शुक्रबार एमाले महाधिवेशन आयोजक कमिटीको बैठक बसेको थियो।

शुक्रबारको बैठकमा नेपाल पक्षकालाई जिम्मेवारीबाट हटाएर अध्यक्ष ओलीले पार्टीको नयाँ स्थायी कमिटी गठन गर्नुभएको थियो ।

यस्तै कर्णाली प्रदेशमा पार्टीको ह्विपविपरीत माओवादी केन्द्रका मुख्यमन्त्री महेन्द्रबहादुर शाहीलाई विश्वासको मत दिने चार जना प्रदेश सांसदलाई एमालेको साधारण सदस्यसमेत नरहने गरी कारबाही गरिएको थियो ।


प्रतिक्रिया

Leave a Reply

Your email address will not be published. Required fields are marked *

Latest Programs