विद्यालय दुई सत्रमा सञ्चालन गर्न शिक्षा मन्त्रालयको आग्रह (भिडियो रिपोर्टसहित)

Himalaya Television
२०७८ वैशाख ३ गते १५:११

विद्यालय दुई सत्रमा सञ्चालन गर्न शिक्षा मन्त्रालयको आग्रह (भिडियो रिपोर्टसहित)

३ वैशाख २०७७ काठमाडौं । शिक्षा विज्ञान तथा प्रविधि मन्त्रालयले दुई सत्रमा विद्यालय सञ्चालन गर्न सरोकारवालालाई आग्रह गरेको छ ।

आज विज्ञप्ति निकालेर शिक्षा मन्त्रालयले स्वास्थ्य मापदण्डका सबै उपाय अङ्गीकार गरी विद्यालय चलाउन र सकेसम्म दुई शत्रमा विद्यालय चलाउन आग्रह गरेको हो ।

स्यानिटाइजर, मास्क र साबुन पानीको प्रयोग अनिवार्य गर्न र धेरै विद्यार्थी भएको विद्यालयले विद्यार्थी बाँडेर सिफ्टमा विद्यालय चलाउन मन्त्रालयले भनेको छ । तत्कालै विद्यालय बन्द गर्न नहुने निष्कर्ष निकाल्दै सजगता अपनाउन अपिल गरिएको छ ।

मन्त्रालयले विद्यालय बन्द गर्ने अधिकार समेत स्थानीय तहलाई दिएको छ । साथै संक्रमण फैलिएको वा संक्रमणको जोखिम उच्च भएको भनी पहिचान गरेका जिल्ला, शहर र स्थान विशेषको हकमा जिल्ला कोभिड १९ संकट व्यवस्थापन केन्द्र सिसिएमसीको समन्वयमा सम्बन्धित स्थानीय तहको निर्णय बमोजिम त्यस्ता विद्यालय बन्द वा तोकिए बमोजिम सञ्चालन गर्न आग्रह गरेको छ ।


प्रतिक्रिया

Leave a Reply

Your email address will not be published. Required fields are marked *

Latest Programs