Main News

प्रधिनिधिसभा विघटनसम्बन्धी मुद्दामा आजबाट फेरि बहस हुँदै

हिमालय टिभी
२०७७ माघ २८ गते ९:२७
प्रधिनिधिसभा विघटनसम्बन्धी मुद्दामा आजबाट फेरि बहस हुँदै

२८ माघ २०७७ काठमाडौं । प्रतिनिधिसभा विघटनसम्बन्धी मुद्दामा आजबाट फेरि बहस हुने भएको छ ।

संवैधानिक इजलासमा हिजो एकदिन स्थगित भएको बहस आजबाट पुनः शुरु हुने भएको हो । यसअघि हिजो एकदिनका लागि बहस रोकिएको थियो ।

न्यायाधीश इन्द्रराज पाण्डेको निधनको शोकमा हिजो बहस रोकिएको हो । माघ ४ गतेदेखि जारी निरन्तर सुनुवाइमा निवेदकका कानून व्यवसायीले बहस सकेपछि अहिले प्रधानमन्त्रीका निजी कानून व्यवसायीले सरकारी निर्णयको प्रतिरक्षामा बहस गरिरहेका छन् ।

प्रधानमन्त्री ओलीको सिफारिसमा राष्ट्रपति विद्यादेवी भण्डारीले पुस ५ गते प्रतिनिधिसभा विघटन गर्नुभएको थियो ।

प्रतिनिधिसभा विघटनविरुद्ध सर्वोच्च अदालतमा १३ वटा मुद्दा परेका छन् । ती मुद्दामाथि ५ सदस्यीय संवैधानिक इजलासमा सुनुवाइ भइरहेको छ ।

प्रतिक्रिया

Leave a Reply

Your email address will not be published. Required fields are marked *