कमल पोखरी निर्माण गुरुयोजनाअनुसार नै भएको महानगरको दाबी

Himalaya Television
२०७७ माघ २० गते १७:३४

कमल पोखरी निर्माण गुरुयोजनाअनुसार नै भएको महानगरको दाबी

्२० माघ २०७७ काठमाडौं । काठमाडौँ महानगरपालिकाले कमल पोखरी निर्माण कार्य गुरुयोजना अनुरुप नै भएको दावी गरेको छ ।

कमलपोखरीको निर्माण गलत ढंगले भैरहेको भन्दै विरोध भइरहँदा महानगरपालिकाले त्यसको खण्डन गरेको हो ।

काठमाडौँ महानगरपालिकाका प्रमुख प्रशासकीय अधिकृत राजेश्वर ज्ञवालीले कमलपोखरीको संरक्षण गर्न गुरुयोजना बनाएर निर्माण कार्य भैरहेको बताउनुभयो ।

पोखरीको जग्गामा अनधिकृत रुपमा बनाइएको स्पोर्टस् क्लब र राधेराधेको भवन हटाएकाले विरोध गर्नुपर्ने कारण नभएको उहाँको तर्क छ ।

कमल पोखरीको जग्गामा बसिरहेका नेपाल प्रहरी र ट्राफिक प्रहरी भने महानगरपालिको अनुरोधमा हटेको उहाँको भनाइ छ ।

स्पोर्टस् क्लब र राधेराधेको भवन अनधिकृत रुपमा बनाइएको सूचना र प्रतिवेदन पाएपछि हटाइएको प्रमुख प्रशासकीय अधिकृत ज्ञवालीले बताउनुभयो ।


प्रतिक्रिया

Leave a Reply

Your email address will not be published. Required fields are marked *

Latest Programs