आफूमाथि प्रधानमन्त्री ओलीले व्यङ्ग्य गरेपछि पूर्वमन्त्री भट्टराईले फर्काए यस्तो जवाफ
४ माघ २०७७ काठमाडौं । प्रधानमन्त्री केपी शर्मा ओलीले आफूलाई लक्षित गरेर व्यङ्ग्य गरेपछि प्रचण्ड– नेपाल पक्षका स्थायी कमिटी सदस्य योगेश भट्टराईले जवाफ फर्काउनु भएको छ ।
उहाँले प्रधानमन्त्री ओलीप्रति लक्षित गर्दै सामाजिक सञ्जाल ट्वीटरमा केटाकेटीको रगत, पसिना र मेहेनतको जगमा खडा भएको व्यवस्थामा नै प्रधानमन्त्री ओलीले कुर्सी पाएको बताउनु भएको छ ।
केटा र केटीहरुको रगत, पसिना र मेहनतको जगमा खडा भएको ब्यबस्था मै यहाँले कुर्सीप्राप्त गर्नुभएको हो ।
केटो भनिपाउदा मलाई दु:ख छैन । तपाईंको स्तर थाहा पाएँ खुशी लाग्यो ।— Yogesh Bhattarai (@yogesbhattarai) January 16, 2021
भट्टराईले प्रधानमन्त्रीको स्तर थाहा पाउँदा खुशी लागेको समेत उल्लेख गर्नु भएको छ ।
हिजो प्रधानमन्त्री तथा नेकपाको ओली समूहका अध्यक्ष केपी शर्मा ओलीले भट्टराईलाई बैगुनी केटाको संज्ञा दिनुभएको थियो । भट्टरार्इलाई आफूले अवसर दिएको तर अहिले चटक्कै छाडेर गएको ओलीको भनाइ थियो ।
ओलीले भन्नु भएको थियो, ‘बैगुनी केटाकेटीबारे केही भन्नु छैन, आफू दौडेर गएर केटालाई जिताएर पठाउनुस् मन्त्री बनाएर पठाउछु भनेँ । मन्त्री पनि बनाइयो । एक दिन पुक्क लात्तीले हानेर भाग्यो । को रहेछ भनेर यसो हेरेको त उही केटो पो रहेछ।
भट्टराईबारे ओलीले यसो भनेका थिए
प्रतिक्रिया