Main News
प्रतिनिधिसभाको निर्वाचन गराउनु पहिलो प्राथमिकताः मन्त्री साह
२०७७ पुष १२ गते १५:४४
१२ पुस २०७७ काठमाडौं । नवनियुक्त शहरी विकासमन्त्री प्रभु साहले सरकारको पहिलो प्राथमिकता प्रतिनिधि सभा निर्वाचन गर्नु रहेको बताउनुभएको छ ।
प्रतिनिधि सभा विघटन गर्ने निर्णयको विरोध गर्दै आएका साह शुक्रबार बिहानसम्म नेकपाको प्रचण्ड–नेपाल पक्षमा हुनुहुन्थ्यो ।
तर शुक्रबार गुट परिवर्तन गरेका साहले त्यही दिन बेलुकी शहरी विकास मन्त्रालयको जिम्मेवारी पाउनुभयो । त्यै जिम्मेवारी आज सम्हाल्दै नवनियुक्त मन्त्री साहले सरकार तोकिएकै समयमा निष्पक्ष रुपमा चुनाव गराउन केन्द्रीत हुने बताउनुभयो ।
मन्त्री साहले मन्त्रालयले विकासको कामलाई प्रभावकारी बनाउने बताउनुभयो । कोरोना महामारी फैलिइरहेको अवस्थामा कोरोना महामारीबाट नेपाललाई अझै सुरक्षित गर्न थप सजगता अपनाउने उहाँको भनाई छ ।
प्रतिक्रिया