सगरमाथाको उचाइ २३ गते घोषणा गर्ने सरकारको तयारी

Himalaya Television
२०७७ मंसिर २२ गते ८:५६

सगरमाथाको उचाइ २३ गते घोषणा गर्ने सरकारको तयारी

२२ मंसिर, २०७७ काठमाडौं । सरकारले विश्वको सर्वोच्च शिखर सगरमाथाको उचाई घोषणा मंसिर २३ गते गर्ने भएको छ ।

नापी विभागको कार्यालय मीनभवनमा सगरमाथाको उचाई घोषणा तथा सम्मान कार्यक्रमको आयोजना गरेको छ ।विभागका उपमहानिर्देशक सुशील नरसिंह राजभण्डारीले मंसिर २३ गते दिउँसो साढे १ बजे आयोजना हुने उक्त कार्यक्रमका लागि पत्राचारसमेत गर्नुभएको छ ।

सन् २०१५ मा गएको विनाशकारी भूकम्पका कारण हिमाली भेगको उचाईमा असर परेको तथ्य नापी विभागको अध्ययनले देखाएको थियो । यही कारणले सगरमाथाको उचाई पनि थपघट भएको हुनसक्ने अनुमानका आधारमा नेपालले पहिलोपटक आफ्नै स्रोत साधनमा सगरमाथाको उचाइ मापन गरेको हो ।

यसमा नेपाल र चीनका सरकारी टोलीले संयुक्तरुपमा काम गरेका थिए । यसअघि विभिन्न देशहरुले सगरमाथाको उचाइ मापन गर्दै आएका थिए । पछिल्लो पटक सर्वे अफ इण्डियाले सन् १९५४ मा मापन गरी उचाइ कायम गरिएको विश्वको सर्वोच्च शिखर सगरमाथाको उचाइ ८८४८ कायम रही आएकोमा थोरै फेरबदल आएको बताइएको छ ।

सगरमाथाको उचाइ मापन कार्य आर्थिक वर्ष ०७५/०७६ मा शुरु भएको थियो । यसै वर्ष उचाइ मापन कार्य सम्पन्न भएपछि अब चिनियाँ रक्षामन्त्री नेपाल भ्रमणको बेला पारेर मंसिर १० गते बुधबार बसेको मन्त्रिपरिषद बैठकले उचाई सार्वजनिक गर्न स्वीकृति प्रदान गरेको थियो ।


प्रतिक्रिया

Leave a Reply

Your email address will not be published. Required fields are marked *

Latest Programs