Main News

भ्रष्टाचारमा भागबण्डा नमिल्दा नेकपामा विवाद आएको लेखा समिति सभापति शाहको आरोप (भिडियोसहित)

हिमालय टिभी
२०७७ मंसिर १३ गते १३:३७
भ्रष्टाचारमा भागबण्डा नमिल्दा नेकपामा विवाद आएको लेखा समिति सभापति शाहको आरोप (भिडियोसहित)

१३ मंसिर, २०७७, काठमाडौं । सार्वजनिक लेखा समितिका सभापति भरतकुमार शाहले सरकार भ्रष्टाचारमा चुर्लुम्म डुबेको आरोप लगाउनु भएको छ ।

बुटवलमा आज संचारकर्मीसँग सभापति शाहले सरकार भ्रष्टाचारमा लागेकैले सत्तारुढ नेकपामा झगडा उव्जिएको दाबीसमेत गर्नुभयो । भ्रष्टाचारमा भागबण्डा नमिल्दा नेकपामा झगडा भइरहेको उहाँको आरोप छ ।

सभापति शाहले सरकारले औषधि, हवाई जहाज, प्रेस मेशिन किन्ने प्रक्रियामा भ्रष्टाचार गरेको दाबी गर्दै सरकारले भ्रष्टाचार गर्ने र आपसमा झगडा गरेर देशलाई संकटमा पार्न खोजेको टिप्पणी गर्नुभयो ।

सभापति शाहले उजुरीका आधारमा समितिले छानबिन अघि बढाए पनि भ्रष्टाचारीलाई कारबाही हुन नसकेको बताउनुभयो ।

सरकार आफैं भ्रष्टाचारमा लागेकाले अनियमितता गर्नेलाई कारबाही गर्न पनि समस्या भएको उहाँको आरोप छ ।

प्रतिक्रिया

Leave a Reply

Your email address will not be published. Required fields are marked *