काश्मीरमा भएको भिडन्तमा भारतीय सेनामा कार्यरत नेपाली युवाको मृत्यु

१२ मंसिर, २०७७ काठमाडौं । भारतीय सेनामा कार्यरत नेपाली युवाको जम्मू–कश्मीरमा भएको भिडन्तमा मृत्यु भएको छ ।

भारतीय सेनामा कार्यरत नायक नेपाली युवा प्रेमबहादुर खत्रीको मृत्यु भारतीय सेनाले जनाएको छ । आज बिहान जम्मू–कश्मीरको रजौरी क्षेत्रमा ‘आतंकवादी’ले सेनाको टोलीमाथि आक्रमण गरेका थिए ।

सो घटनामा गम्भीर घाइते भएका खत्रीको अस्पतालमा निधन भएको हो । खत्रीसँगै अर्का भारतीय एक भारतीय सैनिको पनि ज्यान गएको छ । मृतक खत्री नेपाली भए पनि ठेगाना खुलाइएको छैन ।

उनी १४ वर्षदेखि भारतीय सेनामा कार्यरत रहेको भारतीय सञ्चारमाध्यमले जनाएका छन् । भारत र पाकिस्तानबीच लगातार गोलीबारी भइरहने जम्मू कश्मीरमा नेपाली युवाहरुले ज्यान गुमाउँदै आएका छन्।