कोरोना संक्रमित नेकपा संसदीय दलकी सचेतक चौधरीलाई आईसीयूमा सारियो

२४ असोज, २०७७ काठमाडौं । कोरोना भाइरसबाट संक्रमित नेकपा संसदीय दलकी सचेतक शान्ता चौधरीलाई आईसीयुमा सारिएको छ ।

चौथो दिनमा पनि उहाँको स्वास्थ्यमा कुनै सुधार नआएपछि चौधरीलाई गएरातिदेखि आईसीयूमा सिफ्ट गरिएको उहाँको सचिवालयले जनाएको छ ।

चौधरीको उपचार वीर अस्पतालमा हुँदै आएको छ । उहाँले यसअघि आफूलाई श्वास फेर्न गाह्रो भएकाले फोन नगरिदिन सामाजिक सन्जालमार्फत् आग्रह गर्नु भएको थियो ।

चौधरीमा यही असोज १९ गते लक्षणसहितको कोरोना संक्रमण पुष्टि भएको थियो ।