चितवनमा थप ७३ जनाका कोरोना संक्रमण पुष्टि

२२ भदौ, २०७७ चितवन । चितवनमा थप ७३ जनामा कोरोना संक्रमण पुष्टि भएको छ।

चितवन मेडिकल कलेज कोभिड ल्याबमा गरिएको परीक्षणमा चितवनका १९ र अन्य जिल्लाका ११ जना गरी ३० जनामा संक्रमण पुष्टि भएको हो।

त्यस्तै भरतपुर अस्पतालको प्रयोगशालामा गरिएको परीक्षणमा ४३ जनामा संक्रमण पुष्टि भएको हो। भरतपुरमा गरिएको परीक्षणमा चितवनका ३३ जना र अन्य विभिन्न जिल्लाका रहेका छन्।

संक्रमित हुनेमा चार वर्षीया बालिका देखि ७२ वर्षसम्मका रहेका छन्।