लक्षणबिनाका कोरोना संक्रमितलाई घर पठाउने सरकारको निर्णय, जनस्वास्थ्यविदले दिए यस्तो सुझाव

११ भदौ, २०७७ काठमाडौं। सामान्य लक्षण भएका कोरोना संक्रमितलाई पनि परीक्षणबिना घर पठाउने सरकारी निर्णयप्रति जनस्वास्थ्य विज्ञले आपत्ति जनाएका छन ।

परीक्षणमा वेवास्ता गर्दा संक्रमितले अरुलाई सार्ने सम्भावना बढी हुने भएकाले सरकारको निर्णय गलत भएको जनस्वास्थ्यविज्ञको तर्क छ ।

सरकारले बुधवार सामान्य लक्षण भएका विरामीलाई परिक्षण नगरी १४ दिनपछि घर पठाउने निर्णय सार्वजनिक गर्यो । सरकारको यो निर्णयले आम नागरिकमा त्रास सिर्जना भएको छ ।, सरकारको निर्णयमाथि प्रश्न उठेको छ । जनस्वास्थ्य विज्ञले सरकारको यो निर्णय पूर्ण रुपमा गलत भएको बताएका छन । नेपालको हकमा यो निर्णय ठीक नभएको उहाँको मत छ ।

सरकार भने अनेकौं तर्क गरेर आफ्नो निर्णय सही छ भन्ने स्थापित गर्न लागेको छ । १० दिनपछि कुनै पनि संक्रमित व्यक्तिबाट अर्को व्यक्तिमा संक्रमण हुँदैन भन्ने विश्व स्वास्थ्य संगठनको मान्यता अनुसार नै निर्णय गरेको उसको तर्क छ । लक्षण नभएका व्यक्तिको हकमा १४ दिनपछि परीक्षण नगरी घर पठाउँदा कुनै समस्या नहुने सरकारको दावी छ ।

तर जनस्वास्थ्य विज्ञ भने यसमा पूर्ण रुपमा असहमत छन । तराईका जिल्लामा क्वारन्टिनबाट परीक्षण नगरी घर पठाउँदा अहिलेको अवस्था आएको र १४ दिनपछि पोजेटिभ हुँदैन भन्ने सोचले तराइको जस्तो अवस्था देशभरी हुने विज्ञको चेतावनी छ ।

१४ दिनपछि डिस्चार्ज नगरिए सरकारले सोध भर्ना नबेहोर्ने चेतावनी सहित मन्त्रालयले कोभिड अस्पताल र प्रदेश सामाजिक विकास मन्त्रालयललाई पत्राचार गरेको छ । तर सरकार र विज्ञको राय र बुझाई बाझिएपछि आम नागरिकमा झन त्रास बढ्ने देखिन्छ ।