सेवा सञ्चालन गर्न नदिए आन्दोलन गर्ने वायु सेवा सञ्चालकको चेतावनी
२८ साउन, २०७७ काठमाडौं । वायु सेवा सञ्चालकहरुले भदौ १६ गतेदेखि हवाइ सेवा सञ्चालन नगरे आन्दोलन गर्ने चेतावनी दिएका छन् ।
वायु सेवा सञ्चालक संघले आज एक विज्ञप्ति निकालेर भदौ १६ गतेदेखि हवाई उडान नखोले आन्दोलनको चेतावनी दिएको हो ।
चैतदेखि नै हवाई सेवा बन्द हुँदा हवाई उद्योग धरासायी बनेको र श्रमिक तथा आश्रति परिवारलाई असर गरेको भन्दै सञ्चालकले उडान खुलाउन माग गरेका हुन् ।
आन्तरिक उडान चैत ११ गतेदेखि र अन्तर्राष्ट्रिय उडान चैत ९ गतेदेखि बन्द छ । सरकारले यसअघि भदौ १ गतेदेखि हवाई उडान शुरु गर्ने निर्णय गरे पनि कोरोना संक्रमण बढ्दै गएपछि त्यसलाई लम्बाएर भदौ १६ पुर्याएको छ ।
तर संघले भने आफूहरुले भदौ १ गतेबाटै सेवा सञ्चालन गर्न तयार अवस्थामा रहेको भन्दै पुनः १५ दिनको प्रतिवन्धले अन्याय गरको बताएको छ । सबै मापदण्ड अपनाउँदा आन्तरिक उडानले संक्रमण नफैलने भन्दै तत्काल सेवा सुचारु गर्नुपर्ने संघले माग गरेको छ ।
प्रतिक्रिया