नेपाली सेनाका थप २९ जनामा कोरोना संक्रमण पुष्टि

Himalaya Television
२०७७ साउन २८ गते १४:३८

नेपाली सेनाका थप २९ जनामा कोरोना संक्रमण पुष्टि

२८ साउन, २०७७ काठमाडौं । नेपाली सेनाका थप २९ जनामा कोरोना भाइरसको संक्रमण पुष्टि भएको छ ।

नेपाली सेनाका प्रवक्ता सन्तोषबल्लभ पौडेलका अनुसार सेनाको दाङस्थित १९ नम्बर बाहिनीका २९ जनामा कोरोना संक्रमण पुष्टि भएको हो ।

प्युठानबाट तालिमका लागि दाङ आएका एक सैनिकमा संक्रमण देखिएपछि अन्यको पनि स्वाब परिक्षणका लागि पठाइएको थियो । सोही क्रममा परिक्षण रिपोर्ट पोजिटिभ आएको सैनिक प्रवक्ता पौडेलले जानकारी दिनुभयो ।

ठूलो संख्यामा सैनिकमा कोरोना संक्रमण पुष्टि भएसँगै यतिबेला दाङस्थित १९ नम्बर बाहिनी सिल गरिएको र सतर्कता उच्च बनाइएको छ । प्युठानबाट आएका सैनिक क्वारेन्टिन व्यवस्थापनको काममा संलग्न थिए ।

सैनिक प्रवक्ता पौडेलका अनुसार हालसम्म सेनाका दुईसय २४ जनामा कोरोना संक्रमण भइसकेको छ । सबैभन्दा धेरै दाङ र प्युठानमा २१ जनामा संक्रमण देखिएको छ ।

कोरोना संक्रमणबाट ज्यान गुमाएकाहरुको शव व्यवस्थापन, होल्डिङ्सेन्टरको व्यवस्थापन र क्वारेन्टिन स्थललगायतका काममा नेपाली सेनालाई खटाइएको छ ।


प्रतिक्रिया

Leave a Reply

Your email address will not be published. Required fields are marked *

Latest Programs