बेटिसलाई कोपा डेल रे फूटबलको उपाधि

११ वैशाख २०७९ काठमाडौं । रियल बेटिसले, स्पेनिस कोपा डेल रे फूटबलको उपाधि हात पारेको छ ।

गएराति भएको फाइनल खेलमा भ्यालेन्सियालाई पेनाल्टी सुटआउटमा ५–४ गोल अन्तरले हराउँदै बेटिसले उपाधि जितेको हो । बेटिसले तेस्रो पटक कोपा डेल रे को उपाधि जितेको हो ।

पछिल्लो पटक बेटिसले सन् २००५ मा उपाधि जितेको थियो । बेटिसको यो चौंथो मुख्य उपाधि हो ।

सेभियामा भएको फाइनलको निर्धारित समय १–१ गोलको बराबरीमा सकिएपछि खेल पेनाल्टीमा गएको थियो ।