प्रिमियर लीग फूटबलमा एष्टन भिल्लाविरुद्ध लिभरपुल विजयी
२०७९ वैशाख २८ गते ८:०९
२८ वैशाख २०७९ काठमाडौं । इंग्लिस प्रिमियर लीग फूटबलमा लिभरपुल विजयी भएको छ ।
प्रिमियर लीगमा गएराति लिभरपुलले एष्टन भिल्लामाथि २–१ गोलको जित निकालेको हो ।
घरेलु मैदानमा भिल्लाले तेस्रो मिनेटमै डगलस लुइजको गोलसँगै लियो । लगत्तै छैठौं मिनेटमै लिभरपुलका जोल माटीपले गोल गर्दै खेल बराबरी गरेका थिए ।
त्यसपछि ६५औं मिनेटमा साडियो मानेले गोल थप्दै लिभरपुललाई २१ ले जित दिलाए ।
जितसँगै दोस्रो स्थानको लिभरपुलले ३६ खेलबाट ८६ अंक जोडेको छ । शीर्ष स्थानको म्यानचेष्टर सिटीको भने ३५ खेलबाट ८६ अंक नै छ ।
प्रतिक्रिया