ट्रकको ठक्करबाट सुरुङमार्गमा काम गर्ने एक मजदुरको मृत्यु
२०७८ कार्तिक १२ गते १४:१३
१२ कात्तिक २०७८ धादिङ । धादिङको धुनिबेशी नगरपालिका वडा– ९ सुरुङमार्गमा ट्रकको ठक्करबाट एक मजदुरको मृत्यु भएको छ ।
ट्रकको ठक्करबाट सुरुङमार्गमा काम गर्ने धादिङकै धुनिबेशी नगरपालिका–९ कानकोटका २९ वर्षीय ओमकृष्ण पाण्डेको मृत्यु भएको जिल्ला प्रहरी धादिङले जनाएको छ । गम्भीर घाइते भएका उनको उपचारका क्रममा राष्ट्रिय ट्रमा सेन्टर काठमाडौंमा मृत्यु भएको हो ।
सुरुङमार्गमा बिहीबार बेलुकी ८स् १५ बजे ट्रकले उनलाई ठक्कर दिएको थियो । ठक्कर दिने ट्रकका चालक फरार रहेकाले खोजी भइरहेको प्रहरीले जनाएको छ।
प्रतिक्रिया