डिजेलसहितको ट्याङ्कर चोरी गरेको आरोपमा एक जना पक्राउ
२०७८ भदौ १४ गते १९:०९
१४ भदौ २०७८ विराटनगर । नेपाल आयल निगम विराटनगर डिपोको पार्किङमा राखिएको डिजेलसहितको ट्यांकर चोरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा विराटनगर महानगरपालिका– ४ का २६ वर्षीय श्रवणकुमार यादव छन् । २० हजार लिटर डिजलसहितको ट्यांकर लिएर भाग्दै गर्दा बूढीगंगा गाउँपालिका–३ बाँसबारीबाट यादवलाई पक्रेको जिल्ला प्रहरी कार्यालय मोरङले जनाएको छ ।
डिपोको पार्किङमा रहेको डिजेलसहितको ना ४ ख ४६९ नम्बरको ट्यांकर गएराति चोरी भएको थियो ।
प्रहरीको प्रारम्भिक अनुसन्धानमा चोरीमा यादवसहित चार(पाँच जनाको संलग्नता देखिएको छ । अन्यको खोजी जारी रहेको प्रहरीले जनाएको छ ।
प्रतिक्रिया