गाँजा जलाएर फर्किएको टोलीमाथि आक्रमण
९ फागुन २०७७ मकवानपुर । मकवानपुरमा राक्सिराङ गाउँपालिकामा गाँजा जलाएर फर्किरहेको प्रहरी टोलीमाथि आक्रमण भएको छ ।
१८ क्विन्टल गाँजा जलाएर फर्किरहेको इलाका प्रहरी कार्यालय नेवारपानीको टोलीमाथि राक्सिराङ गाउँपालिका वडा नम्बर १ कुपिनटारमा आक्रमण भएको हो ।
आक्रमण भएपछि स्थिति नियन्त्रणमा लिन दुई राउण्ड हवाई फायर गरिएको प्रहरीले दाबी गरेको छ । तर राक्सिराङ गाउँपालिकाका स्थानीयले भने प्रहरीले थर्काएर लुट्ने प्रयास गरेको आरोप लगाएका छन ।
अवैध लागूऔषध गाँजा बरामद गर्ने भनी खटिएको प्रहरी टोलीले गाउँपालिका घ्याङ्सिङटार पारीभित्तामा पसलका सामान र नगदसमेत उठाएपछि प्रतिकार गरेको उनीहरुको दावी छ ।
गाँजा खानतलासी गर्ने नाममा प्रहरीले स्थानीय पसलको समान र नगद नै लुटेको आरोप लागेपछि घटनास्थल पुगेका वडाध्यक्ष कान्छाराम रुम्बालाई समेत प्रहरीले नियन्त्रणमा लिएको छ ।
वडाध्यक्ष रुम्बालाई जिल्ला प्रहरी कार्यालय मकवानपुरमा राखिएको छ । राक्सिराङ गाउँपालिकाका अध्यक्ष राजकुमार मल्लले गाँजा खानतलासी गर्ने नाममा स्थानीयमाथि दूव्र्यवहार र लुटपाट मच्चाइएको आरोप लगाउनुभयो ।
प्रतिक्रिया