चितवनमा बाघको आक्रमणबाट एक जना महिलाको मृत्यु
२०७८ असार ७ गते १६:५५
७ असार २०७८ चितवन । चितवनको रत्ननगर नगरपालिकामा बाघको आक्रमणबाट एक महिलाको मृत्यु भएको छ ।
मृत्यु हुनेमा रत्ननगर नगरपालिका– ५ मगरटोल निवासी ३० वर्षीया गीता अधिकारी रहेको जिल्ला प्रहरी कार्यालय चितवनले जनाएको छ ।
अधिकारी स्थानीय जनकौली मध्यवर्ती सामुदायिक वनमा निहुरो टिप्न गएको समयमा बाघले आक्रमण गरेको थियो । बाघको आक्रमणबाट उनको घटनास्थलमानै मृत्यु भएको प्रहरीले जनाएको छ ।
प्रहरीकाअनुसार घटनास्थलमा प्रहरी पुगिसकेको भए पनि बाघ आसपासमै भएकाले शव उठाउन सकिएको छैन ।
प्रतिक्रिया