आज विभिन्न कार्यक्रमसहित विश्व सिमसार दिवस मनाइँदै
१९ माघ २०७८ काठमाडौं । आज विश्व सिमसार दिवस, सिमसार र पानी नाराकासाथ नेपालमा पनि विभिन्न कार्यक्रम गरी मनाइँदैछ ।
सिमसारको संरक्षण गर्न सन् १९७१ मा रामसार महासन्धि स्थापना भएपछि फेब्रुअरी २ मा सिमसार दिवस मनाउन थालिएको हो । नेपाल सन् १९८७ मा सिमसार महासन्धिको सदस्य भएको हो ।
अहिले यो महासन्धीमा १ सय ६९ देश आवद्ध छन् । सिमसार जमिन र पानीसहितको दलदल क्षेत्र हो । यस्ता सिमसार क्षेत्रमा दुर्लभ चराहरुको वासस्थान हुन्छ ।
सिमसारले बाढी, पहिरो, अतिवृष्टि अनि अनावृष्टिलाई पनि सन्तुलनमा राख्ने गर्छ । कैलालीको घोडाघोडी ताल, कोशीटप्पु वन्यजन्तु आरक्ष, कपिलवस्तुको जगदीशपुर ताल, गोसाईकुण्ड, विसहजारी ताल, माईपोखरी अनि पोखराका नौ वटै तालहरु सिमसार क्षेत्र हुन् ।
विश्वभरका १ सय ६९ देशका करिब २ हजार २ सय २५ सिमसार क्षेत्रहरु रामसार सुचिमा सुचिकृत छन् ।
तर अहिले सम्म सुचिकृत भएका रामसार क्षेत्रहरु मध्ये पोखराका तालहरुलाई भिन्नै मोडलबाट सुचिकृत गर्ने प्रयास गरिएको वन तथा वातावरण मन्त्रालयको राष्ट्रिय सिमसार समितिले जनाएको छ ।
प्रतिक्रिया