नयाँ वर्षको अवसर पारेर विष्णुमती नदी सफाई अभियान शुरु (भिडियो रिपोर्टसहित)

१ वैशाख २०७८ काठमाडौं । नयाँ वर्ष २ हजार ७८ को अवसर पारेर विष्णुमती नदी सफाइ अभियान शुरु गरिएको छ ।

नयाँ वर्षको पहिलो दिन आज बिहान विष्णुमतीको शोभा भगवती क्षेत्रबाट सफाइ अभियानको थालनी भएको हो ।

विष्णुमती नदी उपत्यकाको सभ्यता, धर्म, परम्परा र जीवनपद्धतिसँग जोडिएको भए पनि हाल प्रदूषित रहेका कारण मानव स्वास्थ्यलाई समेत असर पर्न थालेकाले अभियान थालिएको सांसद जीवनराम श्रेष्ठले बताउनुभयो ।

विष्णुमती सफाइमा नेपाली सेना, नेपाल प्रहरी, सशस्त्र प्रहरी, काठमाडौं महानगरपालिका, विभिन्न संघसंस्था लगायत स्थानीयको सहभागिता थियो ।

अब हरेक महिनाको अन्तिम शनिबार बिहान ७ देखि ९ बजेसम्म नदी सफा गरिने सांसद श्रेष्ठले जानकारी दिनुभयो ।