कांग्रेस प्रवक्ता शर्माले भने–कम्युनिष्ट पार्टीको एकता तोरी र कोदोको जस्तै हो

Himalaya Television
२०७७ चैत २७ गते १८:१०

कांग्रेस प्रवक्ता शर्माले भने–कम्युनिष्ट पार्टीको एकता तोरी र कोदोको जस्तै हो

'सरकारले झिङ्गा र मौरीबीचको भेद देखेन'

२७ चैत २०७७ काठमाडौं । नेपाली कांग्रेसका प्रवक्ता विश्वप्रकाश शर्माले दुई कम्युनिष्ट पार्टीको एकता तोरी र कोदोको जस्तो भएको टिप्पणी गर्नुभएको छ ।

काठमाडौंमा आज नेपाल निजामती कर्मचारी युनियन संघको राष्ट्रिय भेला तथा विधान अधिवेशनमा बोल्दै उहाँले नेकपा एमाले र माओवादी केन्द्रबीचको एकता तोरी र कोदोको जस्तो भएको बताउनुभएको हो ।

दुईवटैले मुठ्ठी बटारेका छन् । दुईवटैले लालसलाम भनेका छन् । उस्तैउस्तै लाग्यो । उहाँहरुले एकता गर्नुभयो । त्यो तोरी र कोदोको एकता जस्तो थियो । एउटा समयमा पुगेपछि यसरी नै टुंगिनु थियो । तोरी र कोदो मिलाएर तेल निकाल्न खोज्यो भने तेल निस्कँदैन । पिना मात्रै निस्कन्छ । ३ बर्षमा सिंहदरबारबाट त्यही पिना मात्रै निस्किएको छ

उहाँले कोदो र तोरीले भिन्नाभिन्नै विशेषता बोकेको भएपनि एकैठाउँमा राखेर पेल्दा तेल नभई पिना मात्रै निस्कने भएकाले ३ बर्षको अवधिमा सिंहदरबारबाट पिना मात्रै निस्किएको टिप्पणी गर्नुभयो । त्यही सरकारका मन्त्रीले पनि मौरी र झिङ्गाको भेद नदेखेको भन्दै मौरी भएर कर्मशील ढंगले सेवा प्रदान गर्न कर्मचारीहरुलाई सुझाव दिनुभयो ।

उहाँले भन्नुभयो “दुईवटैले मुठ्ठी बटारेका छन् । दुईवटैले लालसलाम भनेका छन् । उस्तैउस्तै लाग्यो । उहाँहरुले एकता गर्नुभयो । त्यो तोरी र कोदोको एकता जस्तो थियो । एउटा समयमा पुगेपछि यसरी नै टुंगिनु थियो । तोरी र कोदो मिलाएर तेल निकाल्न खोज्यो भने तेल निस्कँदैन । पिना मात्रै निस्कन्छ । ३ बर्षमा सिंहदरबारबाट त्यही पिना मात्रै निस्किएको छ ओलीजीको शासनबाट । त्यसैगरी उहाँको मन्त्रीजीले पनि मौरी र झिङगाको भेद देख्नुभएन । म तपाईहरुलाई आग्रह गर्दछु– चित्त दुखाएर बस्ने काम छैन । बरु जसको दृष्टिदोष छ, तिनलाई बदल्ने छौ र मौरी भएर यो मुलुकको निर्माण गर्नलाई कर्मचारीतन्त्रले काम गर्नेछौ भनेर संकल्प लिनुपर्छ । ”

केपी ओलीको सरकार निरन्तर रहिरह्यो भने, सार्वजनिक लेखा समितिमा लगेर त्यसैको दोषीलाई राखेजस्तै, राज्य व्यवस्था तथा सुशासन समितिमा लगेर अपहरणको मुद्दा लागेकालाई राखेजस्तै अपराध अनुसन्धानको नेतृत्व गर्ने ठाउँमा जेलबाट छुटाएर चार्ल्स शोभराजलाई राखेको दिन पनि यो देशले सुन्नुपर्ने हुनसक्छ ।

बुधबार सिंहदरबारमा नेपाल सरकारका सचिवहरुबीचको एक कार्यक्रममा उपप्रधानमन्त्री ईश्वर पोखरेलले निजामती प्रशासन झिङ्गे टसाई सोचबाट मुक्त हुन नसकेको टिप्पणी गर्नुभएको थियो ।

उहाँले सांसद अपहरणको आरोप लागेका सांसदलाई राज्य व्यवस्था तथा सशासन समितिमा र सेक्युरिटी प्रेस खरिद प्रकरणमा ७० करोडको टेप काण्डका बारेमा सार्वजनिक लेखा समितिले छानबिन गरिरहेका पूर्व मन्त्रीलाई सोही समितिको सदस्य बनाइएको भन्दै सुशासन कायम गर्ने सम्बन्धमा प्रभावकारी ढंगले काम गर्न कर्मचारीहरुलाई आव्हान गर्नुभयो ।

उहाँले भन्नुभयो “केपी ओलीको सरकार निरन्तर रहिरह्यो भने, सार्वजनिक लेखा समितिमा लगेर त्यसैको दोषीलाई राखेजस्तै, राज्य व्यवस्था तथा सुशासन समितिमा लगेर अपहरणको मुद्दा लागेकालाई राखेजस्तै अपराध अनुसन्धानको नेतृत्व गर्ने ठाउँमा जेलबाट छुटाएर चार्ल्स शोभराजलाई राखेको दिन पनि यो देशले सुन्नुपर्ने हुनसक्छ । ”

उहाँले कर्मचारीतन्त्र भनेको स्थायी सरकार भएको र सुशासनको क्षेत्रमा स्थायी सरकारले गर्ने कामबारे सधैं सचेत भई प्रशासनतन्त्रलाई लोकतान्त्रिकीकरण गर्दै अघि बढ्न सबैलाई आग्रह गर्नुभयो ।


प्रतिक्रिया

Leave a Reply

Your email address will not be published. Required fields are marked *

Latest Programs