काठमाडौंका प्रमुख जिल्ला अधिकारी दाहाललाई कोरोना संक्रमण

१४ कात्तिक, २०७७ काठमाडौं । काठमाडौंका प्रमुख जिल्ला अधिकारी जनकराज दाहाललाई कोरोना संक्रमण भएको छ ।

टाउको दुखेपछि पीसीआर परीक्षणका लागि स्वाब दिएकोमा रिपोर्ट पोजेटिभ आएको हो । उहाँलाई टाउको दुख्नेबाहेक अरू लक्षण भने देखिएको छैन ।

दाहालकी श्रीमतीमा पनि कोरोना संक्रमण देखिएको छ । दुबै जना होम आइसोलेसनमा हुनुहुन्छ ।