Political Hightlights
नेकपा अध्यक्ष प्रचण्ड र ओलीबीच मन्त्रिपरिषद् पुनर्गठनका विषयमा छलफल
२०७७ असोज ५ गते १८:५५
५ असोज, २०७७ काठमाडौं । नेकपाका अध्यक्ष एवं प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच मन्त्रिपरिषद पुनर्गठनका विषयमा छलफल भएको छ ।
सचिवालय बैठक स्थगित गरेर दुई अध्यक्षले छलफल गरेका हुन । नयाँ मन्त्री कसलाई बनाउने र भएका कसलाई हटाउने भन्नेबारे ओली र प्रचण्डबीच प्रधानमन्त्री निवासमा बालुवाटारमा दुई घण्टा छलफल भएको छ ।
आइतबारका सचिवालय बैठकले सरकार पुनर्गठन गर्दा नाम चयन गर्ने अधिकार ओली र प्रचण्डलाई दिएको थियो । छलफल भएपनि अन्तिम टुंगो भने लागिसकेको छैन ।
यसबारे भोलि बालुवाटारमा बस्ने सचिवालय बैठकमा थप छलफल हुनेछ । त्यसअघि पनि दुई अध्यक्षबीच छलफल हुनेछ ।
प्रतिक्रिया